![](https://img1.utuku.imgcdc.com/650x0/laos/20240625/6dabb248-33cc-4ca5-b3fe-5f7ee1281a93.jpg)
ຕອນບ່າຍວັນທີ 24 ມິຖຸນານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານອັນເດຣດ ດູດາປະທານາທິບໍດີໂປເລຍທີ່ມາຢ້ຽມຢາມຈີນທາງລັດຖະກິດຢູ່ຫໍສະພາປະຊາຊົນທີ່ນ ະຄອນຫຼວງປັກກິ່ງ.
![](https://img2.utuku.imgcdc.com/650x0/laos/20240625/32b5d981-d01d-44a5-8061-e5b03fe47718.jpg)
ທ່ານສີຈິ້ນຜິງກ່າວເນັ້ນວ່າ, ການພົວພັນລະຫວ່າງຈີນ-ໂປໂລຍສາມາດຜ່ານຜ່າຟ້າຝົນລົມແດງ, ສິ່ງສຳຄັນຄື ສອງຝ່າຍສາມາດຖອດຖອນເອົາສະຕິປັນຍາ ແລະ ກຳລັງແຮງຈາກມູນເຊື້ອວັດທະນະທຳປະຫວັດສາດຂອງຊົນຊາດຕົນ, ຍຶດໝັ້ນຂະຫຍາຍສາຍພົວພັນມິດຕະພາບລະຫວ່າງສອງຝ່າຍຢ່າງເປັນເອກະລາດ ແລະ ເປັນເຈົ້າຕົນເອງ. ສອງຝ່າຍຄວນສືບຕໍ່ຍຶດໝັ້ນຈິດໃຈມິດຕະພາບລະຫວ່າງຈີນ-ໂປໂລຍທີ່ເຄົາລົບກັນ, ປະຕິບັດຕໍ່ກັນຢ່າງສະເໝີພາບ, ຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ແລະແລກປ່ຽນບົດຮຽນເຊິ່ງກັນແລະກັນ, ເຂົ້າໃຈ ແລະ ສະໜັບສະໜູນຄວາມພະຍາຍາມ ເພື່ອປົກປັກຮັກສາຜົນປະໂຫຍດດ້ານອະທິປະໄຕ ຄວາມໝັ້ນຄົງ ແລະ ການພັດທະນາຂອງກັນ, ຮ່ວມກັນຄັດຄ້ານແນວຄິດສົງຄາມເຢັນ, ແລະຄວາມເປັນປໍລະປັກກັນລະຫວ່າງຄ້າຍ, ຮັກສາລະບົບສາກົນທີ່ຖືອົງການສະຫະປະຊາຊາດເປັນແກນກາງ, ຊຸກຍູ້ໃຫ້ສ້າງການຫັນເປັນຫຼາຍຂົ້ວຂອງໂລກທີ່ສະເໝີພາບ ແລະ ເປັນລະບຽບ, ກໍຄື ຍຸກໂລກາພິວັດດ້ານເສດຖະກິດທີ່ເອື້ອປະໂຫຍດຕໍ່ທຸກຝ່າຍ ແລະ ກວມລວມ. ຈີນຍິນດີຮ່ວມກັບປະເທດຕ່າງໆເຊິ່ງລວມທັງໂປໂລຍ, ຊຸກຍູ້ໃຫ້ກົນໄກຮ່ວມມືລະຫວ່າງຈີນ-ປະເທດເອີຣົບກາງ ແລະ ເອີຣົບຕາເວັນອອກພັດທະນາໄປຢ່າງຕໍ່ເນື່ອງ, ຊຸກຍູ້ໃຫ້ການພົວພັນລະຫວ່າງຈີນ-ເອີຣົບພັດທະນາໄປຢ່າງປອດໃສ ແລະ ໝັ້ນທ່ຽງ.
ທ່ານ ດູດາ ກ່າວວ່າ, ໂປໂລຍຍຶດໝັ້ນຫຼັກການປະເທດຈີນດຽວຢ່າງເດັດດ່ຽວ, ຍິນດີຮ່ວມກັບຈີນສືບຕໍ່ຊຸກຍູ້ການຮ່ວມມືໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ລົງເລິກການແລກປ່ຽນແລະ ການຮ່ວມມືໃນຂົງເຂດເສດຖະກິດການຄ້າ, ກະສິກຳ, ພື້ນຖານໂຄງລ່າງ, ເຊື່ອມໂຍງເຊື່ອມຈອດກັນ, ວັດທະນະທຳ ແລະ ອື່ນໆ, ເປີດກວ້າງການຮ່ວມມືໃນຂົງເຂດໃໝ່, ເຊັ່ນ: ການປະດິດສ້າງໃໝ່, ເສດຖະກິດດີຈີຕອນ, ລົດພະລັງງານໃໝ່ ແລະ ອື່ນໆ, ຍິນດີຕ້ອນຮັບວິສາຫະກິດຈີນ ໄປລົງທຶນຢູ່ໂປໂລຍຫຼາຍກວ່າເກົ່າ.
.md_Laos_page01 .md_hd{width:300px;}
ຄໍລຳ
![](https://img0.utuku.imgcdc.com/650x0/laos/20240625/7490de05-80df-4857-ae10-3a31c14c560c.jpg)
ຮູບພາບ
ວີດີໂອ
![](https://img2.utuku.imgcdc.com/634x0/laos/20240625/9ccfedbd-9059-4fdb-984e-2d4bce57467f.jpg)
ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ
![](https://img3.utuku.imgcdc.com/650x0/laos/20240625/691db5e4-de26-4cc5-aef6-9a5683687b4c.jpg)
ອຸດສາຫະກໍາພະລັງງານແສງຕາເວັນຂອງຈີນປະກອບສ່ວນເຂົ້າໃນການຊຸກຍູ້ການພັດທະນາແບບສີຂຽວຂອງມາເລເຊຍ
![](https://img0.utuku.imgcdc.com/609x0/laos/20240625/030df8b1-5360-4fe4-8466-76caab56aa2f.jpg)
ຜູ້ບ່າວອາຍຸ 20 ກວ່າປີ ສືບທອດມໍລະດົກນາມມະທຳດ້ານການຖັກແສ່ວ
![](https://img3.utuku.imgcdc.com/650x0/laos/20240625/c1cee44a-f859-4cc6-8c5d-1b20a47a4a14.jpg)
ໃຫ້ເດັກນ້ອຍກິນຢ່າງມີໂພຊະນາການແລະມີສຸຂະພາບແຂງແຮງ
![](https://img3.utuku.imgcdc.com/650x0/laos/20240625/5c4e6b18-ba4f-44a9-b268-de97f740382b.jpg)
ພວກເຮົາຄວນເຮັດແນວໃດເພື່ອຮັບມືກັບອາກາດຮ້ອນເອົ້າ
![](https://img3.utuku.imgcdc.com/650x0/laos/20240625/6017a1bf-42cc-47c7-9a69-ddd56719a934.jpg)
ຄວາມຮັກແພງລະຫວ່າງພໍ່ກັບລູກ ຈິດໃຈຜູ້ຮັບໃຊ້ປະຊາຊົນ
ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະ ຫງວນລິຂະສິດ
Copyright © cri.cn All Rights Reserved