سىرتقى ىستەر مينيسترلىگى: حالىقارالىق قوعامنىڭ پالەستينا ماسەلەسىن جان – جاقتى، ءادىل، باياندى شەشۋ قۇلشىنىسىن قولداۋ كەرەك
2024.05.22 16:44 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 21 – كۇنى بەيجيڭنەن بەرگەن حابارى. حالىقارالىق قىلمىستىق ىستەر سوت مەكەمەسىنىڭ پروكۋرورى بىرنەشە كۇننىڭ الدىندا يزرايل مەن حاماستىڭ باسشىلارىن قولعا الۋدى ءوتىنىش ەتتى، بۇل جونىندە سىرتقى ىستەر مينيسترلىگىنىڭ مالىمدەمەشى سى ۋاڭ ۋىنبين 5 ـ ايدىڭ 21 ـ كۇنى بىلاي دەدى: جۇڭگو حالىقارالىق قوعامنىڭ پالەستينا ماسەلەسىن جان ـ جاقتى، ءادىل، باياندى شەشۋ قۇلشىنىسىن قولدايدى، حالىقارالىق قىلمىستىق ىستەر سوت مەكەمەسىنىڭ وبيەكتيۆ، ءادىل مايداندا تۇرىپ، قىزمەت ۇقىعىن زاڭ بويىنشا جۇرگىزۋىن ءۇمىت ەتەمىز.
حالىقارالىق قىلمىستىق ىستەر سوت مەكەمەسىنىڭ پروكۋرورى كارىم حان 5 – ايدىڭ 20 - كۇنى مالىمدەمە جاريالاپ، حالىقارالىق قىلمىستىق ىستەر سوت مەكەمەسىنە يزرايلدىڭ زۇڭليى نيتانياحتى قامتىعان ۇ كىمەتتىڭ ەكى جوعارى دارەجەلى ءمانساپتىسى مەن پالەستينا يسلام قارسىلىق كورسەتۋ قوزعالىسىنىڭ (حاماس) ءۇش باسشىسىن قولعا الۋ بۇيرىعىن ءوتىنىش ەتىپ جاتقاندىعىن ايتتى.
ۋاڭ ۋىنبين كەزەكتى تىلشىلەر جينالىسىندا قاتىستى سۇراۋلارعا جاۋاپ بەرگەندە بىلاي دەدى: ”گازاداعى سوعىس ءورتىن دەرەۋ توقتاتۋ، پالەستينا حالقى تاپ بولعان ادامگەرشىلىك داعدارىسىن تەز اراد ا اياقتاتۋ ماسەلەسىندە حالىقارالىق قوعام توتەنشە ورتاق تانىمعا يە. پالەستينا بۇقاراسىنا قاراتىلعان كوللەكتيۆ جازانى ەندىگارى جالعاستىرماۋ كەرەك.“
ۋاڭ ۋىنبين بىلاي دەدى: جۇڭگو پالەستينا ماسەلەسىندە باستان ـ اياق ادىلدىك، ادىلەتتىلىك جاعىندا، حالىقارالىق زاڭ جاعىندا تۇرادى. ءبىز حالىقارالىق قوعامنىڭ پالەستينا ماسەلەسىنىڭ جان ـ جاقتى، ءادىل، باياندى شەشىلۋىن ىلگەرىلەتۋدەگى بارلىق قۇلشىنىستارىن قولدايمىز، حالىقارالىق قىلمىستىق ىستەر سوتى مەكەمەسىنىڭ وبيەكتي ۆ، ءادىل تۇرعىدا تۇرىپ، قىزمەت ۇقىعىن زاڭ بويىنشا جۇرگىزۋىن ءۇمىت ەتەمىز.“
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
