ەڭ جوعارى حالىق سوت مەكەمەسى ازاماتتاردىڭ باس بوستاندىعىنا قول سۇعۋدىڭ ەڭ جاڭا تولەم ولشەمىن جاريالادى
2024.05.22 16:40 كەلۋ قاينارى : حالىق تورابى
مەملەكەتتىك ساناق مەكەمەسىنىڭ 2024 – جىلى 5 – ايدىڭ 17 – كۇنى جاريالاعان ساندى مالىمەتىنە نەگىزدەلگەندە، 2023 – جىلى بۇكىل ەلدەگى قالا – قالاشىقتاعى جەكە مەنشىككە جاتپايتىن ورىنداردا كاسىپ تەنگەندەردىڭ جىلدىق ورتاشا ەڭبەكاقى سوماسى 120 مىڭ 698 يۋان، كۇندىك ورتاشا ەڭبەكاقىسى 462.44 يۋان بولعان. تاياۋدا، ەڭ جوعارى حالىق سوت مەكەمەسى ۇقتىرۋ شىعارىپ، 2024 – جىلى 5 – ايدىڭ 20 - كۇنىنەن باستاپ مەملەكەت تولەم بەرۋ ۇيعارىمىن جاساعان كەزدە، ازاماتتاردىڭ باس بوستاندىعىنا قول سۇعۋ تولەم سوماسى ن كۇنىنە 462.44 يۋان بويىنشا ەسەپتەۋدى تالاپ ەتتى.
مەملەكەت تولەمى زاڭىنىڭ 33 - تارماعىندا بىلاي دەپ بەلگىلەنگەن: ”ازاماتتاردىڭ باس بوستاندىعىنا قول سۇعىلسا، كۇندىك تولەم سوماسى مەملەكەتتىڭ وتكەن جىلداعى جۇمىسشى - قىزمەتشىلەرگە بەرگەن ك ۇندىك ورتاشا ەڭبەكاقىسى بويىنشا ەسەپتەلەدى. “ ەڭ جوعارى حالىق سوت مەكەمەسى ءار دارەجەلى حالىق سوت مەكەمەلەرىنىڭ مەملەكەت تولەمى زاڭىنىڭ 33 - تارماعىنداعى جانە «ەڭ جوعارى حالىق سوت مەكەمەسىنىڭ، ەڭ جوعارى حالىق پروكۋراتۋراسىنىڭ قىلمىستىق ىستەر تولەم بەرۋ دەلولارىن باسقارۋدا زاڭ قولدانۋعا قاتىستى ءبىرقانشا ماسەلە جونىندەگى تۇسىن دىرمەسىنىڭ» 21 – تارماعىنىڭ 2 - تارماقشاسىنداعى بەلگىلەمە بويىنشا، 2024 – جىلى 5 – ايدىڭ 20 - كۇنىنەن باستاپ مەملەكەت تولەم بەرۋ ۇيعارىمى شىعارىلعان كەزدە جوعارىداعى ولشەم بويىنشا ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
