تۇرعىن ءۇي جانە قالا – اۋىل قۇرىلىسى مينيسترلىگى: الەۋمەتتىك جيناق قور قاراجاتىنان تاراتىلىپ بولعان قارىزدىڭ ءوسىمى كەلەر جىلدان باستاپ جاڭا ولشەم بويىنشا اتقارىلادى
2024.05.20 15:28 كەلۋ قاينارى : حالىق تورابى
جۋىردا تۇرعىن ءۇي الەۋمەتتىك جيناق قورىنان جەكەلەردىڭ تۇرعىن ءۇي الۋىنا بەرىلەتىن قارىزدىڭ ءوسىم مولشەرى 0.25 پايىز تومەندەتىلگەن. جيناق قورعا قاراجات تاپسىرۋشىلار قانشالىق تيىمدىلىككە كەنەلەدى؟ تۇرعىن ءۇي جانە قالا – اۋىل – قۇرىلىسى مينيسترلىگىنىڭ الەۋمەتتىك جيناق قوردى باسقارۋ مەڭگەرمەسىنىڭ قاتىستى جاۋاپتىسىنىڭ 5 – ايدىڭ 18 – كۇنى ايتۋىنشا، جاڭا ساياساتتىڭ جيناق قورعا قاراجات تاپسىرۋشىلاردىڭ تۇرعىن ءۇي الۋىنا قولداۋ كورسەتۋ تەبىنى اناعۇرلىم زور بولادى.
جەكەلەردىڭ العاش رەت ءۇي الۋعا تۇرعىن ءۇي الەۋمەتتىك جيناق قورىنان سوماسى ءبىر ميلليون يۋان، شەكتى مەرزىمى 30 جىل بولعان قارىز الۋىن مىسالعا كەلتىرسەك، اي سايىن ۇقساس سومادا قارىز قايتار ۋ ءتاسىلى بويىنشا ەسەپتەسەك، ايىنا قايتاراتىن سوما 4270.16 يۋاننان 4135.57 يۋانعا تومەندەپ، شامامەن 135 يۋان ازايادى، جالپى ءوسىم شىعىمى 48 مىڭ 500 يۋان ازايادى. ءۇي ساتىپ الۋشى شىنايى تيىمدىلىككە كەنەلەدى.
تانىستىرۋعا قاراعاندا، وسى رەت قارىزدىڭ ءوسىمىن رەتتەۋ كولەمى جەكەلەردىڭ ءۇي ساتىپ الۋ ءۇشىن تۇرعىن ءۇي الەۋمەتتىك جيناق قورىنان جاڭادان العان قارىزىن قامتۋمەن بىرگە، جەكەلەردىڭ ءۇي سا تىپ الۋ ءۇشىن تۇرعىن ءۇي الەۋمەتتىك جيناق قورىنان بۇرىن العان قارىزىن دا قامتيدى. 2024 – جىلى 5 – ايدىڭ 18 – كۇنىنەن بۇرىن جەكەلەردىڭ تۇرعىن ءۇي جيناق قورىنان تاراتىلىپ بولعان قارىزعا 2025 – جىلى 1 – ايدىڭ 1 – كۇنىنەن باستاپ جاڭا ءوسىم مولشەرى اتقارىلادى. 2024 – جىلى 5 – ايدىڭ 18 – كۇنىنەن (سول كۇندى قامتيدى) كەيىن جەكەلەردىڭ تۇرعىن ءۇي الەۋمەتتىك جيناق قورىنان تاراتىلعان قارىزعا رەتتەلگەننەن كەيىنگى جاڭا ءوسىم مولشەرى تىكەلەي اتقارىلادى. تۇرعىن ءۇي جانە قالا – اۋىل قۇرىلىسى مينيسترلىگى قالالارداعى تۇرعىن ءۇي الەۋمەتتىك قورىن باسقارۋ ورتالىقتارىنىڭ بەلگىلەمە بويىنشا ساياساتتى ۇشتاستىرۋ قىزمەتىن ويداعىداي ىستەۋىنە، الەۋمە تتىك جيناق قورعا قاراجات تاپسىرعانداردىڭ ساياساتتىق تيىمدىلىكتەن دەرەۋ يگىلىكتەنۋىن قامتاماسىزداندىرۋىنا جەتەكشىلىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
