”نەگىزگى ازىقتىقتى جەمەي“ ”تەك ارەكەت جاساۋ“ ارقىلى ارىقتاۋعا بولادى دەگەن تانىم قاتە
قاتىستى تاراۋ ”ارىقتاۋ باعدارناماسىن“ جاريالادى
2024.03.14 13:08 كەلۋ قاينارى : حالىق تورابى
سەمىزدىك كوپتەگەن سوزىلمالى اۋرۋلارعا شالدىقتىراتىن حاۋىپتى فاكتور، جۋىرداعى جىلداردان بەرى ادامدار بارعان سايىن بۇعان باسا نازار اۋداراتىن بولدى. جۋىردا مەملەكەتتىك دەنساۋلىق ساقتاۋ – سالاماتتىق كوميتەتى «ەرەسەكتەردەگى، بالالارداعى، جاستار مەن ورەندەردەگى سەمىزدىكتى ازىقتانۋ ارقىلى تەجەۋ باعدارناماسىن» (تومەندە قىسقارتىلىپ «باعدارناما» دەپ اتالادى) جاريالادى، باعدارنامادا ايتىلۋىنشا، ەلىمىزدە 18 جاستاعى جانە ودان جوعارى جاستاعى تۇرعىندار اراسىندا سەمىزدىك مولشەرى جوعارىلاۋ بەتالىسىن بايقاتقان، بالالار، جاستار مەن ورەندەر اراسىندا س ەمىزدىك مولشەرى جەدەل جوعارىلاعان، سەمىزدىكتەن ساقتانۋ جانە ونى تىزگىندەۋ كەزەك كۇتتىرمەيتىن ىسكە اينالعان.
باعدارنامادا تانىستىرۋعا قاراعاندا، جۇڭگودا 18 جاستاعى جانە ودان جوعارى جاستاعى تۇرعىندار اراسىندا سەمىزدىك مولشەرى %16.4 كە جەتكەن، 6 جاستان تومەنگى بالالار اراسىندا سەمىزدىك مولشەرى %3.6 ب ولعان، 6 جاستان 17 جاسقا دەيىنگى بالالار، جاستار مەن ورەندەر اراسىندا سەمىزدىك مولشەرى %7.9 بولعان. زەرتتەۋ بولجامىنا قاراعاندا، 2030 – جىلى، ەلىمىزدە ەرەسەكتەر اراسىندا سالماعى قالىپتان تىس اسىپ كەتكەن سەمىزدىك مولشەرى %65.3 كە جەتەدى .
ماماندار مىنانى ەسكەرتەدى: ارىقتاۋدىڭ 80 پايىزى ازىقتانۋمەن، 20 پايىزى ارەكەتتەنۋمەن قاتىستى بولادى، ”تارتا جەۋ “ وتە ماڭىزدى. باعدارنامادا مىناداي ۇسىنىس بەرىلگەن: سەمىزدىككە شالدىققان ەرەسەكتەر ازىقتىقتىڭ ءتۇرىن كوبەيتۋمەن بىرگە، جالپى مولشەرىن تەجەۋى كەرەك؛ تالشىعى مول ازىقتىقتاردى كوبىرەك تۇتى نۋى قاجەت؛ مايدى، تۇزدى، قانتتى جانە سپيرتتى تۇتىنۋ مولشەرىن قاتاڭ مەڭگەرۋى كەرەك. سەمىزدىككە شالدىققان بالالار، جاستار مەن ورەندەر 80 پايىزداي تويعانعا دەيىن عانا جەۋى قاجەت؛ قوسىمشا جەمەكتىكتەردەن قابىلداناتىن ەنەرگيا مولشەرى ءار كۇنگى جالپى ەنەرگيا مولشەرىنىڭ %10 ىنەن اسىپ كەتپەۋى كەرەك، كەشكى ساعات 9 دان كەيىن مۇمكىندىگىنشە تاماقتانباعان ابزال.
جۋىرداعى جىلداردان بەرى، ”ارىقتاتاتىن حيكىمەت ءدارى “ دەپ اتالعان سەماگلۋتيد دەگەن ءدارىنى ماقتايتىنداردىڭ قاتارى كوبەيدى، بۇل ءدارىنىڭ رولى ينسۋليننىڭ ءبولىنۋىن كوبەيتۋ ارقىلى اسقازان مەن ىشەكتىڭ جيىرىلۋىن باياۋلاتۋ، ادامنىڭ ازىقتىققا د ەگەن تابەتىن تومەندەتۋ. شيپاگەرلەر مىنانى ەسكەرتەدى: سەماگلۋتيدتى پايدالانۋ بارىسىندا قانداعى قانت قۇرامى تومەندەۋ، ۇيقى بەزىنىڭ شۇعىل قابىنۋى قاتارلى ناشار اسەر تۋىنداۋى مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved