ས་གནས་དེའི་དུས་ཚོད་ཟླ6པའི་ཚེས13ཉིན་གྱིི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཆང་གིས་ཧུའེ་ལིན་ཏུན་གྱི་ཙུང་ཏུའུ་བཞུགས་ཤག་ནས་ནེའུ་ཙི་ལན་གྱི་ཙུང་ལི་ལ་ཁི་སིན་དང་གྲོས་མོལ་གནང་།

ཀྲུང་གུང་ཀྲུང་དབྱང་ཆབ་སྲིད་ཅུའུ་རྒྱུན་ཨུའམ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་གིས་ཚེས13ཉིན་པེ་ཅིན་དུ་ཡའོ་ནན་གུང་ཁྲན་ཏང་ཀྲུང་དབྱང་ཆབ་སྲིད་ཅུའུ་ཨུ་ཡོན་ནམ་ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི། ཀྲུང་དབྱང་དྲིལ་སྒྲོག་སློབ་གསོ་པུའུ་པུའུ་ཡི་པུའུ་ཀྲང་རོན་ཀྲུང་དབྱི་ཡིས་སྣེ་ཁྲིད་པའི་འཐུས་ཚབ་ཚོགས་པར་ཐུག་འཕྲད་གནང་།

ཟླ6པའི་ཚེས12ཉིན། ཁོང་གོ(ཅིན)ཙུང་ཐུང་གཞིས་ཤག་གིས་སྤྱི་འབྲེལ་སྨྱན་བྱད་སྟེང་། རྒྱལ་ཁབ་དེའི་ནུབ་ཕྱོགས་མ་དབྱི་ཨིན་ཏུང་པའེ་ཞིང་ཆེན་དུ་ཚེས10ཉིན་གྱི་དགོང་མོར་མཚོ་གྲུ་ཆུར་ནུབ་པའི་དོན་རྐྱེན་ཞིག་བྱུང་སྟེ། ཉུང་མཐར་ཡང་མི80ཚེ་ལས་འདས་པར་བཤད།

མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས10ཉིན་གྲོས་ཆོད2735པ་བཀོད་དེ། ཅ་ཧྲ་ས་ཁུལ་དུ་མགྱོགས་མྱུར་ངང་ཕྱོགས་ཡོངས་ནས་འཁྲུག་རྩོད་མཚམས་འཇོག་པ་མངོན་འགྱུར་བྱས་ནས། སྔ་མོ་ནས་ཟླ་ངོ་བརྒྱད་ལྷག་འགོར་བའི་ཕཱ་ལེ་སི་ཐན་དང་དབྱི་སི་རལ་གྱི་འཁྲུག་རྩོད་མཇུག་སྒྲིལ་དགོས་པའི་འབོད་སྐུལ་བཏང་།